Сурабалдиева: «Pfizer» вакцинасын алууга шартыбыз жок

Кыргызстан дүйнөнүн көп өлкөлөрү колдонуп жаткан «Pfizer/BionTech» вакцинасын алуудан баш тартты. Буга вакцинанын аз өлчөмдө сунушталганы жана сактоо шартынын жоктугу себеп болду. Коронавируска каршы эмдөөдө эмне себептен көп өлкөлөр колдонгон вакцинаны алуунун башка жолдору сунушталган жок? Өлкөдө эмдөө качан башталышы мүмкүн? Вице-премьер-министр Элвира Сурабалдиева “Азаттыктын” суроолоруна жооп берди.