Тилекмат Куренов: Бардык маселеге өзүбүз күнөөлүүбүз. Бир үндүктүн баасына сатылдык шайлоодо. Эки досту каалаганын кылууга жол бердик. Эки дос качанга чейин тайраңдайт? Баткенде эки жолу кол салуу болду. Канга, энелердин көз жашына качан тоебуз? Мурда эмне маселе көтөрүп келбейт деп жатышат. Биз келе турган болсок алар эмне отурат?
Рита Карасартова: Кемпир-Абад эч кандай талаштуу жер эмес. Эмне үчүн БУУнун чек ара чечүү тажрыйбасын колдонбошубуз керек? Алар кечээ Баткенде Тажикстан менен чыр болгондо өздөрү жардамын сунуштады. Биз маселени чечүүгө шашпашыбыз керек.
Бектур Асанов: Мен Сооронбай Жээнбековду аягына чейин отурса деп тилегем. Азыр экөө аягына чейин отурсун деп турам. Куушуп жүрө берген жакшы эмес, экономикага таасир этет мунун баары. Кеңешип, кесип Мирзиёев менен сүйлөшөлү. Ал киши менен да сүйлөшөлү. Эки дос укпаса өздөрүнө жаман. Буга чейин үч бийлик эмне болгонун билебиз.
Элбек Хабибуллаев: Лейлек, Өзгөн, Ала-Буканын эли баарыбыз чек арасында бир туруп, бардык протоколду ачыкка чыгарышын талап кылалы. Референдум бул аябагандай опурталдуу, азыр компьютер менен баарын жасап койсо болот.
2021-жылы Тажикстан агрессия жасады. Тилекке каршы биздин бийлик ага реакция кылбай, сабак албай быйыл андан да көп өлүмгө учурады. Элди эвакуация кылган жок, эл ок атышуу башталганда өзүн өзү куткарды. Чек ара маселесинде кадрдык саясатын карашабыз керек. Кете тургандар кетсин. 39-42-протоколдор ишке кире турган болсо, Тажикстан Лейлекти беш жылда басып алат. Алар муну БУУда ачык билдирди. Баткенде айылдык кеңештин депутаттары бул протоколдорго, Кемпир-Абад маселесине бир жылдык мораторий жарыяласын деп жатабыз. Эгемендик алгандан тарта чек ара боюнча түзүлгөн протоколдорду ревизия кылуу керек. Элдик жана депутаттык комиссия түзүлсүн.
Былтыр элден 132 млн. сомдон ашык акча чогулган элден, анын кайда кеткени белгисиз. Баткен облусун өнүктүрүү үчүн элдик комиссия түзүшү абзел.