Кемпир-Абад иши боюнча айыпталып, камакта жаткан 16 адамдын экөө - Рита Карасартова менен Атай Бейшенбек үй камагына чыкты. Мындай чечимди бүгүн, 23-июнда Биринчи май райондук соту чыгарды.
Сотто жүргөн кабарчыбыздын маалымдашынча, калган 14 адам абакта калды. Кемпир-Абад иши боюнча 26-июнда уланмай болду. Бүгүнкү соттук отурумда адвокаттар Кемпир-Абад иши боюнча айыпталып, абакта отургандардын баарын үй камагына чыгарууну, ошондой эле өлкө ичинде эркин жүрүүсүнө да уруксат берүүнү өтүнүшкөн.
22-23-июнда Бишкектин Биринчи май райондук сотунда Кемпир-Абад иши боюнча алдын ала угуу жабык өттү.
Кыргыз-өзбек чек арасындагы Кемпир-Абад суу сактагычынын жери Өзбекстанга өтүп жатканына каршы пикирин ачык билдирип чыккан 30га жакын белгилүү саясатчы, активисттер былтыр октябрда кармалып, камалган.
Ушул тапта кармалган 27 кишинин 14ү абакта калды. Буга чейин 11 адам түрдүү жагдайда үй камагына чыккан.