Райымбек Матраимов менен ким тааныш болбогон? Кылычбек Саркарбаев менен бардык чиновниктер тааныш болчу. Аны да отургуздук. Элдияр Жакыпбеков, Салмоор Жумабеков дагы мыйзам бузса, жоопко тартылат.
Комитеттин ичинде кызматтык дайындоолор жердешчилик, тууганчылыктан алыс болушу керек.
Салмоор Жумабеков абдан жакшы иштейт. Күндүр-түндүр иштеп атат. Элдияр Жакыпбековду жакшы билбейт экем.
Алмазбек Атамбаев тууралуу айтпай эле коеюн. Ал киши камалып атат. Ден соолугу жакшы эмес. Эртең аны барып көрүп келем. Эгер абалы начар болсо башка жайга которууга буйрук берем. Кубанычбек Кулматов боюнча мага эч кандай маалымат түшкөн жок.
Садыр Жапаров мен үчүн негизги талапкер эмес. Мен үчүн бардык талапкерлер бирдей. Ал менин ушул өмүрдө тапкан жакшы досум. Экөөбүздү алла таалам гана ажыратышы мүмкүн. Эч кандай чагымчылар ажырата албайт.
Урматтуу журналистер! Менин тынчымды албагыла. Интервью бер деп сурабагыла. Бардык маалыматтар УКМКнын басма сөз кызматы аркылуу чыгат. Жаңы жылда бизде жаңы, жакшы президент болот деп ойлойм.