Жергиликтүү кеңештердеги мандаттардын 30% аялдар үчүн резервге коюу жөнүндө мыйзам долбоору экинчи окуудан өтүп, эми жалпы сессияда каралышы керек. Парламентаризм жолун тандаган мамлекет үчүн бул мыйзам канчалык маанилүү? Аялдарды тизмеге квотаны толтуруу үчүн эмес, алардын саясий жана кесиптик тажрыйбасына карап тизмеге киргизүү жагына көңүл буруу зарылбы? Ал үчүн кандай шарттар каралышы керек?
«Ыңгайсыз суроолор» телепрограммасынын коноктору: Жогорку Кеңештин вице-спикери Аида Касмалиева, Жогорку Кеңештин депутаты Кенжебек Бокоев жана Сокулук районундагы Фрунзе айылдык кеңешинин депутаты Нургүл Усейинова.