Жергиликтүү курултайга делегаттарды шайлоону уюштурууну жергиликтүү кеңештер чечкен. Бишкек шаарында квота боюнча делегаттардын жалпы саны 800 адамды түзгөн, административдик райондордун калкынын санына жараша - Ленин району - 203 делегат (278,5 миң жашоочу), Октябрь району - 228 делегат (313,2 миң жашоочу), Биринчи май району - 164 делегат (225,3 миң жашоочу), Свердлов району – 205 делегат (281,4 миң жашоочу). Булардын ичинен борбордон Элдик курултайга 60 делегат шайланып бара турганы кабарланган.
Бишкекте башталган элдик курултайдын жалпы жыйынына чогулган делегаттардын эң улуусу Кемел Ашыралиев убактылуу төрага болуп дайындалды. Ал курултайдын төрагасы жана анын орун басарлары дайындалганга чейин жыйынды алып барат.
Учурда эсептөө комиссиясынын өкүлдөрүн шайлоо өтүп, комиссиянын курамы бекиди.