Төкмөлүк өнөрдү жаштарга өткөргөн алтын көпүрө

Токтогул Сатылганов атындагы улуттук филармонияда Кыргыз Республикасынын эл артисти, белгилүү төкмө акын Замирбек Үсөнбаевдин чыгармачылыгынын 55 жылдыгы белгиленди. Иш-чарага мамлекеттик жана коомдук ишмерлер, маданият өкүлдөрү, төкмө акындын шакирттери катышты. Соңку кезде сыркоолоп жүргөн Үсөнбаев мааракесинде колуна комуз алып, күйөрмандарына ыр төктү.