Саламаттык сактоо тармагында адистер жетишпегендиктен пенсия жашындагы кызматкерлердин саны 7862 адам. Алардын 3100ү дарыгерлер экени белгилүү. Улгайып калган адистердин көпчүлүгү коронавирустун биринчи толкунунда иштеген эмес. Бейтаптарга Интернет аркылуу эле консультация берип турган. Эми кырдаал курчуй турган болсо үйдө отурбай жумушка чыгарын айтып жатышат. 90 жаштагы Токтокан Эдилбаева жана анын абышкасы Акмат Бейшенбаев коронавирусту жеңип чыкты. Алар өпкөсү кагынып, ооруканада эки жумадан ашык жатышкан. Бул ардагерлердин алгачкы жеңиши эмес. Бирге жашаган 71 жыл ичинде көп кыйынчылыктарга моюн сунушкан жок. Кыргызстанда жыл сайын 1-октябрда Карылардын эл аралык күнү белгиленет.