Өлкөнүн жарым миллиондон ашуун тургуну COVID-19 каршы вакцина алды
Коронавируска каршы республикалык ыкчам штабдын бүгүнкү, 5-августтагы маалыматына караганда, кечээтен бери Кыргызстанда бул инфекциядан дагы 9 адам каза болду.
Жалпысынан өлкөдө коронавирустан көз жумгандардын расмий саны 2372 адамга жетти.
Соңку бир күн ичинде вирус дагы 840 адамдан табылды. Алардын эң көбү Бишкек шаарында (476) жана Чүй облусунда (131).
Өлкөдө бул оору жуккандардын расмий катталган саны 167 076 адамга жетти.
Бир күндө 1550 адам айыгып чыкты. Азыр ооруканада 3306 адам жатат, дагы 7629 бейтап үйдөн дарыланууда.
Кыргызстанда коронавирустан каза болгондордун жетөө ВИЧке чалдыккан адамдар болчу. Бул тууралуу 4-августта республикалык СПИД борборунун директору Үмүткан Чокморова билдирди.
Анын айтымында, коронавирус пандемиясы башталгандан бери азыркы күнгө чейин бул вирус ВИЧке чалдыккан 123 кыргызстандыктан аныкталды, алардын 116сы дарылангандан кийин сакайып кеткен болсо, жетөөнү сактап калуу мүмкүн болгон жок.
Чокморова COVID-19дан коргонуунун негизги жолу эмдөө экенин белгилеп, ВИЧ инфекциясы бар адамдардын арасынан бүгүнкү күнгө карата коронавируска каршы вакцинаны 60 адам алганын кошумчалады.
Кыргызстанда ВИЧ жуккандардын саны 10 миңден ашуун, алардын 2,5 миңдейи каза болгон.
2020-жылы март айында башталган коронавирус эпидемиясы өлкөдө 2,5 миңдей адамдын өмүрүн алды, бул инфекцияны жугузуп алгандар 166 миңден ашты.
Коронавируска каршы республикалык ыкчам штабдын бүгүнкү, 4-августтагы маалыматына караганда, кечээтен бери Кыргызстанда бул инфекциядан дагы тогуз адам каза болду.
Жалпысынан өлкөдө коронавирустан көз жумгандардын расмий саны 2363 адамга жетти.
Соңку бир күн ичинде вирус дагы 696 адамдан табылды. Алардын эң көбү Бишкек шаарында (339) жана Жалал-Абад облусунда(89).
Өлкөдө бул оору жуккандардын расмий катталган саны 166 236га жетти.
Бир күндө 1681 адам айыгып чыкты. Азыр ооруканада 3393 адам жатат, дагы 8270 бейтап үйдөн дарыланууда.
Кыргызстанда 2020-жылдын март айында башталган коронавирус эпидемиясы июль айында курчуп, көп киши каза болгон. Сентябрдын башында каза болгондор катталбай калган. Оорунун экинчи толкуну октябрда башталып, быйыл жазында вирусту жугузуп алгандардын саны кыйла азайган жана күнүнө 30га жетпеген бейтап катталып жаткан.
Адистер расмий статистика чыныгы абалды чагылдырбай жатканын, ооругандар да, каза болгондор да андан көбүрөөк экенин айтып келишет.