“Эркин Европа/Азаттык” радиосунун кыргыз кызматынын директору Венера Жуматаева журналисттик иликтөөнү жургүзүү үчүн темирдей бекем эрк болушу керектигин айтты.
"Журналисттик иликтөөнү жүргүзүү үчүн темирдей нерв, өзүң дагы күчтүү болушуң керек. Анткени кээ бирөөлөр чалып "ушул материалды чыгарбай коюу үчүн 100 миң доллар алаыңбы, же эртенден баштап тынч уктабайсың" деп чалышы мумкун. Ошонун баарына чыдап, эртеси эч нерсе болбогондой жумушка келип иштөө үчүн аябай күчтүү болуш керек", - деди.
"Азаттыктын" журналисти Айбек Бийбосунов даярдаган "Жолдон жоголгон 934 миллион" аттуу иликтөөсү 3-орунга татыды.
Иликтөөчү журналист Мээрим Сырдыбаеванын “МедиаХаб” коомдук фонду менен биргелешип даярдаган "Өлүм менен өмүрдөн акча жасагандар" аттуу иликтөөсү 2-орунга ээ болду.
“МедиаХаб” коомдук фондунун иликтөөчү журналисттери Али Токтакунов, Арген Бактыбек уулу, Мээрим Айныкеева биргелешип даярдаган "Калкты карызга батырган финансы махинациялары: "Сомо", "Акчамат", "Финико" аттуу иликтөөлөрү биринчи орунга татыды.
