* * * * *
Илгери-илгери эмес, азыркы эле заман экен.
Күндөрдүн биринде элеттик киши шаарга келет да, аркы-теркини карап, ар башка көрнөк-жарнактарды окуп жүрүп, көзү бир ресторандагы жазууга кадалат: “Бизде тамак ичкендер үчүн акысыз оокаттануу сунушу бар!”
Сүйүнүп кетип, тиги киши каалашынча тамак алдырып жейт. “Мына сага, коммунизм келе баштаган го, шаардыктарга!..”
Анан сырт жакка чыгаарында талап кылышат: “Мына бул жакка кол коюп коюңуз, аксакал!”
–– Опе-ей, мында 600 доллар карызсың” деп жүрүшөт ко? Эмнеге!.. Сыртта жазылган убадаңарчы?
–– Убадабыз жайында, ата! Сиз кол коюп эле чыгып кете бересиз. Карызыңызды небереңиз төлөйт.
* * * * *
“Фейсбукта” жарыяланган соңку азилдерден:
“Туугандар! Бүгүн күн чакыйып тийип, өтө ысык, үп болуп, түндөсү уктай албай чабалактап чыгып жатам! Деги бийлик каякты карап жүрөт ушундайда!”
* * * * *
Дагы бир Эрнис аттуу куудул таажы вирусунун илдетинин ооздукталышынын кырдаалында жарыя кылынып жаткан алдыдагы шайлоого байланыштуу мындайча тамашалуу саптарды жазды:
“Тагынып алса беткапты,
Тааныбай калба бетпакты!..”
* * * * *
