Ажырашуу жана алимент өндүрүү – ушул иштер боюнча Кыргызстандагы сотко кайрылышат. Өткөн жылы алимент боюнча эле сот аткаруучуларга 53 миңден ашык иш түшкөн. Анын канча пайызы жүзөгө ашырылганы белгисиз. Ошол эле маалда алимент төлөбөгөндөрдүн саны аз эмес. Мындан улам алимент төлөтүү, ажырашкандан кийин балдарына каралашпай кеткен ата-энеге карата жазаны күчөтүү маселеси парламентте дагы көтөрүлүп келет. “Эже-Синдилер” берүүсүндө алимент төлөөдөн баш тартуунун себептерин жана ажырашкандан кийин сотсуз эле балага жардам берүү маданиятын киргизүүнү талкуулайбыз.