Милицияга "эмнеге блогерлерди бат эле таап, автомат менен барып кечирим суратасыңар. Бул жерде адамды уурдоо, ала качуу болуп атса унчукпайсыңар?" деген суроо берилди.
Бишкекте уурдалып, кийин Чүй облусунан сөөгү табылган кызды өлтүрүүгө шектүү адам мурда Орусияда соттолуп чыккан деген маалымат бар. Бул тууралуу Бишкек шаардык криминалдык милициясынын башчысы Уланбек Айтпаев 8-апрелдеги брифингде билдирди.
"Шектүү Замирбек Теңизбаев Орусиядан 2017-жылы келген. Инисинин сөзү боюнча, ал Орусияда кылмышка соттолуп алты жарым жыл отуруп чыккан. Үй-бүлөлүү, эки баласы бар. Кыргызстанга келгенде такси айдап, батир жалдап жашап жүргөн. Бирок акыркы айларда да такси айдап, машиненин ичинде жашап-түнөп келген. Бул - туугандарынын айтымы. Маалымат текшерилип жатат", - деди Айтпаев.
Бишкек шаардык милициясынын жетекчилери учурда кылмыштын чоо-жай тууралыы журналисттерге басма сөз жыйын өткөрүп жатышат.