“Кумтөр” алтын кенине байланышкан маанилүү келишимдердин 30-апрелде унутта калтырылышынын себеп-жөнү учурдагы парламенттин иш ыраатына мүнөздүү көрүнүш. Аны ошол эле “Акжол” фракциясынын мүчөсү депутат Динара Молдошева Экологиялык кодекстин мисалында ырастап, ири мыйзам долбоору бир окуу менен кабыл алынып кеткенин отургандардын эсине салды. Анын кабарлашынча, өкмөт жаңы мыйзам долбоорлорун жарактуу даярдоого жетише албай жатат. Ал эми парламент төрагасы Айтибай Тагаевдин маалымдашынча:
- Ката деген бизден эмес, тиги өздөрүнөн келген.
Өкмөттүн парламенттеги өкүлү Мырза Капаров болсо 30-апрелде “келишимдер” ордуна жалгыз келишимдин өтүп кетиш жоопкерчилигин эки тарап тең тартышы керек деген пикирде.
- Бизден биринчи ката кеткен. Анан эми комитеттерде карап, фракцияларда карап, Жогорку Кеңеште карап, баарыңар абдан билимдүү депутаттарсыңар. Ошондо силер деле карап койсоңор жакшы болмок экен.
Cоциал-демократиялык фракциянын мүчөсү, депутат Роза Отунбаева унутта калтырылган келишимдер эл өкүлдөрүнө тааныштырылбай эле сунуш кылынып жатканын белгилеп, Кыргызстан үчүн маанилүү документтерди окуп чыгууга убакыт сурады.
- А биз болсо азыр айтып жатабыз жок, бирөө эле эмес баары - көп деп. Ошол көп 7 экен. Үчөөн көрүп жатабыз. Эми дагы төртөөн көрсөтпөйсүңөрбү, бербейсиңерби колубузга!
Алдагыдай мыйзамченемдүү суроого келишимдерди парламентке сунуштаган “Акжол” партиясынын төрага орунбасары, депутат Табылды Орозалиев момундай жооп узатты.
- Ал өзүңүздүн ишиңиз. Таанышкыла, деп жатам, дагы бир жолу айтайын. Документтер турат менин столумда.
Партия жетекчисинин үстөлүнүн үстүндө тирелген документтерди эч ким басып барып окубаганын депутат Роза Отунбаева дагы бир жолу бышыктады.
- Ошол 7 документти мына ушул жерде отурган 89 депутат көргөн жок, билбейт.
Социал-демократиялык фракциянын дагы бир мүчөсү Мурат Жураев да жактырылууга жатчу 7 келишимде эмнелер жазылганын депутаттар билбестигин айтып, маанилүү документти апыл-тапыл кабыл албоого чакырды.
- Себеп дегенде келишимдер канча жылга эсептелгени мага түшүнүксүз. Менин билишимде 49 жылга экен. Ойлонуп көргүлө урматтуу депутаттар, мезгил өзгөрүүдө, экономиканын оңолуп кетиши ыктымал. Алтынды өзүбүз иштетип калышыбыз мүмкүн. Бизде чыгып сүйлөгөн Базарбай Мамбетовдун айтуусунда, “Кумтөрдө” 2 миң тонна алтын бар экен.
Жогорку Кеңештин төрага орунбасары Кубанычбек Исабеков тамгадан кеткен катанын айынан 5 келишим убагында жактырылбай калганын ырастады.
- Биз 1 эле келишим деп кабыл алганбыз. А бул жерде 5 келишим болушу керек. Аны өкмөт маалымат катары дагы бизге берет. 5 эмес андан кийин да болушу мүмкүн.
Парламенттин баам сыртында калган келишимдер көпчүлүк добуш менен жактырылды. Анткен менен мыйзам долбоорлорун ыкчам кабыл алуунун кыныгына түшкөн эл өкүлдөрү эртеңки күнү кайсы долбоорду унутта калтырышат болду экен, суроосу жоопсуз калууда.
- Ката деген бизден эмес, тиги өздөрүнөн келген.
Өкмөттүн парламенттеги өкүлү Мырза Капаров болсо 30-апрелде “келишимдер” ордуна жалгыз келишимдин өтүп кетиш жоопкерчилигин эки тарап тең тартышы керек деген пикирде.
- Бизден биринчи ката кеткен. Анан эми комитеттерде карап, фракцияларда карап, Жогорку Кеңеште карап, баарыңар абдан билимдүү депутаттарсыңар. Ошондо силер деле карап койсоңор жакшы болмок экен.
Cоциал-демократиялык фракциянын мүчөсү, депутат Роза Отунбаева унутта калтырылган келишимдер эл өкүлдөрүнө тааныштырылбай эле сунуш кылынып жатканын белгилеп, Кыргызстан үчүн маанилүү документтерди окуп чыгууга убакыт сурады.
- А биз болсо азыр айтып жатабыз жок, бирөө эле эмес баары - көп деп. Ошол көп 7 экен. Үчөөн көрүп жатабыз. Эми дагы төртөөн көрсөтпөйсүңөрбү, бербейсиңерби колубузга!
Алдагыдай мыйзамченемдүү суроого келишимдерди парламентке сунуштаган “Акжол” партиясынын төрага орунбасары, депутат Табылды Орозалиев момундай жооп узатты.
- Ал өзүңүздүн ишиңиз. Таанышкыла, деп жатам, дагы бир жолу айтайын. Документтер турат менин столумда.
Партия жетекчисинин үстөлүнүн үстүндө тирелген документтерди эч ким басып барып окубаганын депутат Роза Отунбаева дагы бир жолу бышыктады.
- Ошол 7 документти мына ушул жерде отурган 89 депутат көргөн жок, билбейт.
Социал-демократиялык фракциянын дагы бир мүчөсү Мурат Жураев да жактырылууга жатчу 7 келишимде эмнелер жазылганын депутаттар билбестигин айтып, маанилүү документти апыл-тапыл кабыл албоого чакырды.
- Себеп дегенде келишимдер канча жылга эсептелгени мага түшүнүксүз. Менин билишимде 49 жылга экен. Ойлонуп көргүлө урматтуу депутаттар, мезгил өзгөрүүдө, экономиканын оңолуп кетиши ыктымал. Алтынды өзүбүз иштетип калышыбыз мүмкүн. Бизде чыгып сүйлөгөн Базарбай Мамбетовдун айтуусунда, “Кумтөрдө” 2 миң тонна алтын бар экен.
Жогорку Кеңештин төрага орунбасары Кубанычбек Исабеков тамгадан кеткен катанын айынан 5 келишим убагында жактырылбай калганын ырастады.
- Биз 1 эле келишим деп кабыл алганбыз. А бул жерде 5 келишим болушу керек. Аны өкмөт маалымат катары дагы бизге берет. 5 эмес андан кийин да болушу мүмкүн.
Парламенттин баам сыртында калган келишимдер көпчүлүк добуш менен жактырылды. Анткен менен мыйзам долбоорлорун ыкчам кабыл алуунун кыныгына түшкөн эл өкүлдөрү эртеңки күнү кайсы долбоорду унутта калтырышат болду экен, суроосу жоопсуз калууда.
