Алматыдагы Медеу райондук соту казак президентинин күйөө баласы Тимур Кулибаевге байланыштуу коррупциялык жаңжал тууралуу маалыматты жарыялаган 5 көз карандысыз гезитке каршы ачылган иштерди да токтотту. Алар Тимур Кулибаевди убагында Кытайлык ири корпорациядан он миллиондогон долларлык акча алган деп айыптаган оппозициячыл саясатчы Мухтар Аблязовдун билдирүүсүн басышкан. Өткөн жумада ушул эле Медеу райондук соту Кулибаевдин аброюна шек келтирген маалымат жарыялоого тыюу салып, ага чейин басып ийген беш басылманын сатыла элек нускаларын камакка алган.
Алматыдагы соттун андай чечими ушу тапта Казакстан өзү төрагалык кылып жаткан Европадагы коопсуздук жана кызматташтык уюму тарабынан катуу сынга кабылган. Тимур Кулибаев өзү шейшембиде соттун жаңы чечими чыккан күнү окуяны комментарийлөөдөн баш тартып: “Азырынча а-бу дебей туралы. Себеби жөнөкөй - күч органдары ушу тапта иликтөө жүргүзүп жатышат. Алардын бүтүмү чыккандан кийин айтаар сөздү айтабыз”, - деп кутулду.
Кулибаев өткөн айда бозгун саясатчы Мухтар Аблязовдун аны айыптаган билдирүүсүн жарыялаганы үчүн “Республика”, “Голос Республики”, “Взгляд”, “Курсив” жана “Курсив-ньюс” гезиттерин сотко берген эле. Шейшембиде соттун экинчи чечими чыккан күнү аталган басылмалар эми Кулибаевдин өзүн сотко берип, аларга каршы мыйзамсыз иш козготкону үчүн акчалай компенсация төлөтүп алууну көздөп жатканын билдиришти.
Эмнеси болсо да, Алматыдагы райондук соттун өткөн жумада гезиттерди кодулап, маалымат каражаттарына Кулибаевге шек келтирген материал жарыялоого тыюу салган чечими ушу тапта ЕККУга төрагалык кылып жаткан Казакстанды бат эле эсине келтирген өңдүү. Анткени дүйшөмбүдө Казакстандын Жогорку сотунун төрагасы Мусабек Алимбеков райондук сот ката кетириши мүмкүн деп жымсалдады.
“Адам болгон соң ката кетирбей койбойт, туурабы? Соттор деле ката кетирет. А бирок, соттун чечими күчүнө кире электе аны кайра оңдоп койсо болот. Сот системасы ошондой түзүлгөн эмеспи”, - деп актанды Алимбеков.
Тимур Кулибаев - казак президенти Нурсултан Назарбаевдин экинчи кызы Динаранын күйөөсү, ал келечекте кайнатасынын ордун басуучу мураскер деп да аталып жүрөт. Ээлеген кызматы – Казакстандагы бардык энергетикалык компаниялардын ишине үстүртөн көз салуучу “Самрук-Казына” улуттук фондунун төрага орун басары. Кулибаев андан сырткары Казатомпром, Казмунайгаз жана Казакстан темир жолдору компанияларынын директорлор кеңешинин төрагасы.
Аны Кытайлык ири мунай корпорациясынан мыйзамсыз түрдө он миллиондогон доллар алган деп айыптаган билдирүүнүн автору, саясатчы жана экс-банкир Мухтар Аблязов ушу тапта Лондондо жашайт.
Алматыдагы соттун андай чечими ушу тапта Казакстан өзү төрагалык кылып жаткан Европадагы коопсуздук жана кызматташтык уюму тарабынан катуу сынга кабылган. Тимур Кулибаев өзү шейшембиде соттун жаңы чечими чыккан күнү окуяны комментарийлөөдөн баш тартып: “Азырынча а-бу дебей туралы. Себеби жөнөкөй - күч органдары ушу тапта иликтөө жүргүзүп жатышат. Алардын бүтүмү чыккандан кийин айтаар сөздү айтабыз”, - деп кутулду.
Кулибаев өткөн айда бозгун саясатчы Мухтар Аблязовдун аны айыптаган билдирүүсүн жарыялаганы үчүн “Республика”, “Голос Республики”, “Взгляд”, “Курсив” жана “Курсив-ньюс” гезиттерин сотко берген эле. Шейшембиде соттун экинчи чечими чыккан күнү аталган басылмалар эми Кулибаевдин өзүн сотко берип, аларга каршы мыйзамсыз иш козготкону үчүн акчалай компенсация төлөтүп алууну көздөп жатканын билдиришти.
Эмнеси болсо да, Алматыдагы райондук соттун өткөн жумада гезиттерди кодулап, маалымат каражаттарына Кулибаевге шек келтирген материал жарыялоого тыюу салган чечими ушу тапта ЕККУга төрагалык кылып жаткан Казакстанды бат эле эсине келтирген өңдүү. Анткени дүйшөмбүдө Казакстандын Жогорку сотунун төрагасы Мусабек Алимбеков райондук сот ката кетириши мүмкүн деп жымсалдады.
“Адам болгон соң ката кетирбей койбойт, туурабы? Соттор деле ката кетирет. А бирок, соттун чечими күчүнө кире электе аны кайра оңдоп койсо болот. Сот системасы ошондой түзүлгөн эмеспи”, - деп актанды Алимбеков.
Тимур Кулибаев - казак президенти Нурсултан Назарбаевдин экинчи кызы Динаранын күйөөсү, ал келечекте кайнатасынын ордун басуучу мураскер деп да аталып жүрөт. Ээлеген кызматы – Казакстандагы бардык энергетикалык компаниялардын ишине үстүртөн көз салуучу “Самрук-Казына” улуттук фондунун төрага орун басары. Кулибаев андан сырткары Казатомпром, Казмунайгаз жана Казакстан темир жолдору компанияларынын директорлор кеңешинин төрагасы.
Аны Кытайлык ири мунай корпорациясынан мыйзамсыз түрдө он миллиондогон доллар алган деп айыптаган билдирүүнүн автору, саясатчы жана экс-банкир Мухтар Аблязов ушу тапта Лондондо жашайт.
