Өзгөчө кырдаалдар министрлигинин (ӨКМ) басма сөз кызматы Баткен шаарындагы "Мега" соода борборунан чыккан өрт толугу менен өчүрүлгөнүн билдирди.
Министрликтен билдиргендей, соода борборундагы өрт чыкканы тууралуу маалымат бүгүн, 6-декабрда, таңкы саат 06:04тө түшкөн. Тилсиз жоодон адам өмүрүнө коркунуч келген эмес.
Таңкы саат 08:19да чектөөгө алынган өрт саат 09:10 до толук өчүрүлгөн.
Учурда өрттүн себеби жана материалдык чыгымдар такталууда.
Расмий маалымат боюнча, Кыргызстанда былтыр баш-аягы 3 497 өрт кырсыгы катталып, андан 35 адам каза болгон. 31 киши жаракат алган. Тилсиз жоо 1 млрд 410 млн 377 миң сом материалдык зыян алып келген. (MKt)
Дагы караңыз
Шерине