Ар бир саат сайын дүйнөдө кеминде беш кыз-келин жакын адамдарынын колунан каза табат. Дагы далайы жараат алат, оорукчан, майып болуп калат.
"Мунун мага кандай тиешеси бар?" - деп ойлосоңуз, жаңылышасыз.
Андай зомбулукка жашы, билими, социалдык, финансылык абалына карабай, ар бир кыз-келин кабылышы мүмкүн. Адам укуктарын кордогон кылмыштардын көбү аялдарга каршы жасалат.
Бурулай Турдаалы кызы, Айзада Канатбек кызы, Алтынай Канзаманова, Рахима Айкымбаева, Асел Ногойбаева... Булар соңку жылдары эле коомчулуктун үрөйүн учуруп, элдин көбү угуп-билип калган үрөй учурган кылмыштардын курмандыктары.
Соңку 2,5 жылда Кыргызстанда 34 аял жакындарынын зордук-зомбулугунан ажал тапканы кабарланган.
Уруп сабоого, сексуалдык ыдык көргөзүүгө, психологиялык кысымга, ала качууга туш болсоңуз, андай ишти жаап-жашырбай дароо арыз жазып тийиштүү мекемеге кайрылыңыз.
Милициянын 102 номерине же Бишкектеги "Сезим" кризистик борборуна 0551 31-64-66, Оштогу "Ак жүрөк" кризистик борборуна 0779-23-13-29 номерине чалыңыз.
Аялдарга каршы зомбулукка кайдыгер карабайлы!
Шерине