Өзбекстандын борбордук шайлоо комиссиясы мыйзам чыгаруу палатасына шайланган 150 депутатты каттаганын жарыялады.
27-октябрда өткөн парламенттик шайлоонун жыйынтыгында Өзбекстандын бийлик башында турган башкаруучу либерал-демократиялык партиясы 64, “Миллий тикланиш” демократиялык партиясы 29, Элдик-демократиялык партиясы 20, “Адолат” социал-демократиялык партиясы 21 жана Экологиялык партиясы 16 депутаттык орун алган.
Борбордук шайлоо комиссиясынын маалыматында Өзбекстандын мыйзам чыгаруу палатасы 60% жаңыланганы айтылат.
Расмий кабарлангандай, шайланган депутаттардын 38% аялдар түзөт. Бул Өзбекстандын тарыхындагы эң жогорку көрсөткүч деп эсептелет.
27-октябрда өткөн Өзбекстандын Олий Мажлисинин Мыйзам чыгаруу палатасынын жана жергиликтүү кеңештеринин депутаттарын шайлоого 15 млн 27 миң 529 шайлоочу катышкан. Катышуу 74,72% түзгөн. (KbA)
Шерине