Орусиянын аскерлери 5-октябрда Украинанын Запорожье облусунун Малая Токмачка айылын аткылап, 44 жана 46 жаштагы эки адам каза тапты. Бул тууралуу Запорожье облусунун аскердик администрациясынын башчысы Иван Федоров билдирди.
Украинанын Куралдуу күчтөрүнүн Башкы штабынын маалыматына караганда, 5-октябрга караган түнү фронтто 159 кагылышуу болду.
Орусия Украинанын аймагын күн сайын аткылап жатат. Орусиянын коргоо министрлиги аскердик объектилер гана бутага алынарын билдирип, калктуу конуштарды атайын бутага алат деген дооматтарды четке кагып келет. Москва Украинада соккулардан каза болгон жай тургандардын өлүмү, жарандык инфраструктурлардын талкаланып жатканы боюнча комментарий бербейт.
Украин бийлиги жана эл аралык уюмдар бул соккуларды Орусиянын согуш кылмышы деп эсептесе болорун билдирип келишет. (BTo)
