Министрлер кабинетинин төрагасы Акылбек Жапаров коомдук башталышта иштеген бардык жардамчылары менен кеңешчилерин бошотту. Бул тууралуу 7-сентябрда өкмөттүн Фейсбуктагы расмий баракчасында маалымдалды.
"Мындай чечим Президенттик аппаратты реформалоонун жана башкаруу системасын жакшыртуунун алкагында кабыл алынды", - деп жазылган кабарда.
Ушундай жүйө менен эки күн мурун президент Садыр Жапаров өз милдеттерин коомдук башталышта аткарган бардык жардамчыларын жана кеңешчилерин кызматтан бошотуу чечимин кабыл алган.
Баш-аягы президенттин коомдук башталыштагы жети жардамчысы жана 19 кеңешчиси кызматтан бошотулду. Ал эми Министрлер кабинетинин жардамчы жана кеңешчилеринин саны тууралуу маалымат айтыла элек. (SE)
