Орусияда жарандык тик учак кырсыкка кабылган жерден каза болгон 22 кишинин баарынын сөөгү табылганын 2-сентябрда өлкөнүн Өзгөчө кырдаалдар министрлиги билдирди.
Мекеменин маалыматына караганда, кырсык 31-августта Камчатка крайында болгон. Ичинде 19 жүргүнчү (көбү туристтер) жана экипаждын үч мүчөсү бараткан Ми-8 тик учагы бийик дөбөлөрдүн бирин сүзүп, кулап түшкөн. Тик учак түшкөн жер 1-сентябрда аныкталган.
Учактын ээси «Витязь-Аэро» компаниясы. Жетекчилердин айтымында, компания жайкын тургундарды жана туристтерди ташуу менен 15 жылдан бери алектенип келген. Ушул эле компаниянын дагы бир тик учагы Камчатка аймагында кыйрап, сегиз кишинин өмүрү кыйылган. (RK)
