Кыргызстандын Тышкы иштер министрлиги (ТИМ) АКШнын Лос-Анжелес шаарында сабалып, буюм-тайымдары тонолгон кыргызстандыктын иши министрликтин көзөмөлүндө экенин билдирди.
Мекеме бул тууралуу 14-августта маалымат берип, Кыргызстандын Чикаго шаарындагы Башкы консулдугу кыргыз жаранынын сабалышы боюнча окуянын бардык жагдайларын аныктоо боюнча тиешелүү иштерди жүргүзүп жатканы айтылат.
Социалдык тармактарда Шайлообек Базарбай аттуу Кыргызстандын жаранын Лос-Анжелестин көчөлөрүнүн биринде өзүн бир нече өспүрүм ур-токмокко алып, автоунаасын талкалап, буюмдарын уурдап кеткени айтылган. Окуянын видеосу Интернетке тараган. (BTo)
Дагы караңыз
