АКШнын баскетбол боюнча кыз-келиндер курама командасы Париж Олимпиадасында биринчи орунду алды. Команданын курамындагы 33 жаштагы спортчу Бриттни Грайнер да алтын медал тагынды.
Ал 2022-жылы Орусияда баңгизатты контрабандалык жол менен ташууга күнөөлүү деп табылып, 9 жылга абакка кесилген. Спортчу ошол эле жылы 2012-жылы “колумбиялык козголоңчуларга курал сатуу ишин даярдаган” деген айып менен АКШда 25 жылга кесилген орусиялык Виктор Бутка айырбашталган.
Париж Олимпиадасынын финалында АКШнын баскетболчулары Франциянын командасын 67:66 эсеби менен жеӊди. Муну менен АКШ катары менен сегизинчи ирет Олимпиаданын алтынын утуп алды.
Бриттни Грайнер 2016-жылы Бразилияда жана 2021-жылы Жапонияда өткөн Олимпиада оюндарында АКШнын курамасы менен чемпион болгон. (BTo)
