Министрлер кабинетинин төрагасынын орун басарлары аймактарды кыдырып, калк менен жолугушууларды өткөрөт. Бул тууралуу президенттин администрациясынын маалыматтык саясат кызматынын башчысы Дайырбек Орунбеков 29-июлда билдирди.
Ага ылайык, Баткен облусунда Эдил Байсалов, Ош, Жалал-Абадда, Бакыт Төрөбаев жана Чүй, Ысык-Көл, Талас, Нарын облустарында Адылбек Касымалиев жергиликтүү тургундар менен жолугушат.
Орунбековдун айтымында, 1-августта башталып, 22-августка чейин улана турган жолугушууда жергиликтүү тургундарда суроо узатып, көйгөйлөрүн айтууга мүмкүнчүлүк бар.
2022-жылы июль айында да президенттин тапшырмасы менен Министрлер кабинетинин төрагасынын орун басарлары, ички иштер министри жана ошол маалдагы баш прокурор аймактарды кыдырган.
