Кыргызстанда ушул тапта 218 бала 110 фостердик үй-бүлөдө тарбияланууда. Бул тууралуу 22-июлда Эмгек, социалдык камсыздоо жана миграция министрлиги билдирди.
Мекеменин эсебинде, бул эсеп бир жыл мурункуга караганда 29% көп.
Ушул тапта фостердик үй-бүлө болуу үчүн дагы 51 талапкер министрликтин аймактык бөлүмдөрүндө окууга катталган.
Фостердик үй-бүлөлөргө, жетим балдар, кооптуу жагдайдагы үй-бүлөлөрдөн алынган балдар жана турмуштук оор кырдаалга туш болгондор жайгаштырылат.
Кыргызстанда Фостердик үй-бүлө институту Кыргызстанда 2014-жылдан бери иштейт. (SE)
