Пакистан күч органдарынын аракети менен “ал-Каида” террордук уюмунун лидерлеринин бири Амин ул-Хак колго түшүрүлгөнүн билдирди. Бул тууралуу бүгүн 19-июлда Reuters кабарлады.
Аны кармоо боюнча атайын операция Пенжаб провинциясындагы маанилүү объектилерге өтө чоң диверсия пландалып жатканы тууралуу маалыматтын негизинде кылмыш иши козголгондон кийин ишке ашырылганы белгилүү болду.
Амин ул-Хак Бириккен Улуттар Уюму (БУУ) террорчу деп жарыялагандардын тизмесине кирген Усама бен Ладендин тегерегиндеги жакын адамдардын бири болгону белгиленди.
Бен Ладен 2011-жылы жок кылынган. Ал 2001-жылы 11-сентябрда Нью-Йоркко жасалган 3 миңдей кишинин өмүрүн алган чабуул үчүн айыпталган. (RK)
