Бүгүн, 18-июлда президент Садыр Жапаровдун Өзбекстанга мамлекеттик сапарынын алкагында бир катар документтерге кол коюлду. Анда эки мамлекеттин өкмөттөрүнүн ортосунда жашыруун маалыматтарды алмашуу, курулуш, мамлекеттик кызмат, маданият, азык-түлүк жана айыл чарба чөйрөсүндө кызматташуу камтылган.
Кол коюлган документтердин толук тизмеси төмөнкүдөй:
1. Эки өлкө президенттеринин биргелешкен билдирүүсү;
2. Жашыруун маалыматтарды алмашуу жана өз ара коргоо жөнүндө макулдашуу;
3. 2006-жылдын 3-октябрындагы жарандардын өз ара сапарлары жөнүндө макулдашууга өзгөртүүлөрдү киргизүү тууралуу протокол;
4. Кыргызстандын Архитектура, курулуш жана турак жай-коммуналдык чарба мамлекеттик агенттиги менен Өзбекстанстандын Курулуш жана турак жай-коммуналдык чарба министрлигинин ортосундагы курулуш иштери жаатында кызматташуу жөнүндө протокол;
5. Мамлекеттик кызмат жана жергиликтүү өз алдынча башкаруу чөйрөсүндө кызматташуу жөнүндө протокол;
6. Маданият жана искусство жаатында кызматташуу жөнүндө протокол;
7. 2024-2026-жылдарга айыл чарба жана азык-түлүк менен камсыздоо тармагындагы кызматташтыкты мындан ары өнүктүрүү боюнча “Жол картасы”;
8. Эмгек, ишке орноштуруу жана миграция жаатындагы ниеттер жөнүндө протокол;
9. Дене тарбия жана спорт тармагындагы кызматташтыкты өнүктүрүү боюнча практикалык иш-чаралардын планы («Жол картасы»);
10. Бишкек жана Ташкент мэрияларынын ортосундагы соода-экономикалык жана маданий-гуманитардык чөйрөдө кызматташуу жөнүндө макулдашууну ишке ашыруу боюнча иш-чаралардын планы;
11. Стратегия багытында өз ара түшүнүшүү жөнүндө меморандум;
12. Өз ара сооданын көлөмүн көбөйтүү боюнча иш-чаралардын планы.
Президент Садыр Жапаров 18-июлда мамлекеттик сапары менен Ташкентке барды. Сапардын алкагында Өзбекстандын президенти Шавкат Мирзиёев менен жолугушту. Мындан тышкары эки өлкөнүн биргелешкен долбоору - автоунаа кураштыруу заводунун жана текстилдик долбоордун ачылышына катышты.
Бул сапардын алкагында Ташкентте Кыргызстандын маданият күндөрү, бизнес-форум, жогорку окуу жайлардын ректорлорунун жыйындары белгиленген.
