Париждеги Жайкы олимпиаданын ачылышында Кыргызстандын желегин дзюдочу Эрлан Шеров көтөрүп чыгат. Бул тууралуу Маданият, маалымат, спорт жана жаштар саясаты министрлигинин Спорт департаментинин директору Айбек Абдымомунов "Азаттыкка" билдирди.
Олимпиадага Кыргызстандан 16 спортчу аттанууда. Алардын ону балбандар (күрөш боюнча), экөө дзюдочу, дагы экөө суучул, бири жеңил атлетчи жана бири мушкер (боксчу). Алгачкы топ Парижге 22-23-июлдарда учуп кетишет. Башкалар жадыбалга жараша барат.
XXXIII Жайкы олимпиаданын ачылышы Франциянын баш калаасында 24-июлда болот. Эл аралык таймаштар 11-августка чейин уланат.
Эл аралык оилмпиада комитетинин маалыматына ылайык, мелдештерге 206 мамлекеттен 10500 спортчу катышып, 329 комплект медал ойнотулат. (SE)
