Испания курама командасы 15-июлга караган түнү Англия курамасын утуп, төртүнчү ирет футбол боюнча Европа чемпиону болду. Берлиндеги Олимпиада стадионунунда өткөн финалдык беттеште испаниялыктар англиялыктарды 2:1 эсебинде утту. Чечүүчү голду оюндун бүтөөрүнө төрт мүнөт калганда Испания курамасынын футболчусу Микел Оярсабал киргизди.
Англия ушуну менен экинчи жолу катары менен финалда жеңилип калды. 2020-жылы өткөн Европа чемпионатында Англия финалда Италияга утулган эле.
