Бишкек шаарында көчөлөрдөн 100 жарнама такталары алынды. Бул тууралуу калаа бийлигинин басма сөз кызматы билдирип, ишкерлерден темир жарнама такталарды өз ыктыяры менен да алууну суранды.
Президент Садыр Жапаров 18-июнда шаар бийлигине Бишкектеги жарнама такталарын заман талабына ылайыктап, өзгөртүүнү тапшырган. Мамлекет башчы шаардагы темир жарнама такталарын толугу менен алууга 31-августка чейин убакыт берген.
Бишкек шаарынын көчөлөрүндөгү жарнама такталары жол кыймылына тоскоолдук кылары айтылып, буга чейин бир катар борбордук көчөлөрдөн алынган.
Жарнама такталарын ишкерлер андан тышкары шайлоо учурунда саясатчылар менен партиялар үгүт иштери үчүн да пайдаланып келет. (BTo)
Дагы караңыз
