Ысык-Көл облусундагы Жыргалаң суусуна түшүп кеткен жети жаштагы кыздын сөөгү он күндөн кийин табылганын Өзгөчө кырдаалдар министрлиги 28-майда кабарлады. Үч күн мурда куткаруучулар алты жаштагы кыздын сөөгүн алып чыгышкан.
Эки кыз Түп районунун Михайловка айылында Жыргалаң суусуна 18-майда түшүп кеткен. Аталган министрликтин адистери аларды ошондон бери издеп жаткан.
Расмий маалыматка ылайык, 2023-жылы Кыргызстанда 95 адам сууга агып же чөгүп каза болгон, анын ичинен 36сы балдар. (SE)
Facebook шеринеси