Кыргызгидромет кызматы билдиргендей, 22-майда түнкүсүн Чүй облусунун айрым жерлеринде, Жалал-Абад облусунун тоо этектеринде жана тоолуу райондорунда жаан жаап, күн күркүрөшү, бийик тоолуу райондорунда кар жаашы мүмкүн. Жалал-Абад облусунун өрөөндөрүндө жана калган аймактарда жаан-чачын күтүлбөйт.
Күндүз Чүй, Талас облустарынын көпчүлүк аймактарында, Ысык-Көл, Нарын облустарынын айрым жерлеринде, Ош, Жалал-Абад, Баткен облустарынын тоо этектеринде жана тоолуу райондорунда жаан жаап, күн күркүрөп, бийик тоолуу райондорунда кар жаайт. Ош, Жалал-Абад, Баткен облустарынын өрөөндөрүндө жаан-чачын болбойт.
Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетет.
Абанын температурасы:
Чүй өрөөнүндө түнкүсүн 8…13, күндүз 18…23;
Талас облусунда түнкүсүн 8...13, күндүз 17...22;
Баткен, Жалал-Абад, Ош облустарында түнкүсүн 10...15, күндүз 23...28;
Ысык-Көл облусунда түнкүсүн 8...13, күндүз 18…23;
Нарын облусунда түнкүсүн 3...8, күндүз 19...24 градус жылыйт.
Бишкек шаарында түнкүсүн жаан-чачын күтүлбөйт, күндүз жаан жаап, күн күркүрөйт. Батыштан соккон шамалдын ылдамдыгы секундасына 4-9 метрге жетет. Абанын температурасы түнү 11…13°, күндүз 20…22° жылуу болот.
