Улуттук коопсуздук боюнча мамлекеттик комитетке (УКМК) караштуу Чек ара кызматы маалымдагандай, кыргыз-кытай чек арасындагы "Торугарт" жана "Эркечтам" чек ара бекеттери 4-апрель күнү убактылуу жабылат.
Маалыматка ылайык, чек ара бекеттери Кытай тараптын демилгеси менен Цинмин - маркумдарды эскерүү күнүн майрамдоого байланыштуу жабылууда.
"Торугарт" жана "Эркечтам" чек ара бекеттери 5-апрелден тарта ишин улантат.
Аталган чек ара бекеттериндеги бажы кызматтары президент Садыр Жапаровдун жарлыгы менен 1-марттан тарта күнү-түнү, дем алышсыз иштөөгө өткөн. (ZKo)
Дагы караңыз
