Өзгөчө кырдаалдар министрлиги 28-мартка чейин абанын температурасынын жогорулашына байланыштуу Кыргызстандын тоолуу райондоруна кар көчкүсү жана кар күрткүсү болушу мүмкүн экенин эскертти. Мекеменин маалыматында, Ала-Бука - Каныш-Кыя - Кызыл-Адыр унаа жолунун 68-113-чакырымында (Чапчыма ашуусуна), Кызыл-Бел-Ак-Таш жолунда, Бишкек-Ош жолундагы Төө-Ашуу, Ала-Бел ашуусуна, Чычкан капчыгайына кар көчкү түшүшү ыктымал. Мындан улам жолдор тайгак болуп муз тоңот.
ӨКМ Бишкек-Ош жана башка тоолуу жолдордо кар көчкү түшүү коркунучу жаралганын, мындан улам жолдордо машинелердин ортосунда 500 метрлик аралык сакталышы тийиштигин эскертүүдө
Буга чейин 18-мартта Бишкек-Ош жолунда 47 миң куб кар көчкү атып түшүрүлгөн. (КЕ)
