Чүй облусунун Ысык-Ата районунда 15-февралдан бери дайынсыз болуп жаткан 19 жаштагы Асел Жанарбек кызынын сөөгү 18-мартта Чүй каналынан табылды.
Бул тууралуу Чүй облустук ички иштер башкармалыгы билдирип, келиндин сөөгү өлүкканага жеткирилип, соттук-укуктук экспертиза дайындалганын кабарлады.
Маркумдун жакындары милицияга арыз менен кайрылып, ал Кант шаарындагы үйүнөн 15-февралда чыгып кеткен бойдон дайынсыз болуп жатканын айтышкан. Ошондон бери аны издөө иштери жүрүп жаткан.
Буга чейин анын кийип жүргөн кийимдери менен уюлдук телефону Чүй каналынын жээгинен табылган. Асел Жанарбек кызынын жакындары бир катар маалымат каражаттарына ал үйдөн чыгып кеткен күнү жолдошу менен урушканын айтып беришкен. (BTo)
Дагы караңыз
