Өзгөчө кырдаалдар министрлиги (ӨКМ) 18-мартта кабарлагандай, Бишкек-Ош жолунда кар көчкүнү атайылап түшүрүү иштери жүрүп жатат. Маалыматка ылайык, 17-март күнү жолдун Жалал-Абад облусунун аймагындагы 222-223-227-чакырымдарында аттыруу жолу менен кар көчкү түшүрүү иштери жүргүзүлдү.
Мунун ичинен 222-чакырымда - Ала-Бел ашуусунда жалпы көлөмү 161 130 м3 кар көчкү түшүрүлгөн. Түшкөн кар көчкүлөр унаа жолго жеткен эмес. 227-чакырымда көлөмү 46 910 м3 кар көчкү түшкөн.
ӨКМ кан жолдогу кар көчкүнү атайын түшүрүү учурунда жолдо маал-маалы менен чектөө киргизилип турарын эскертип, жүргүнчүлөрдү жана айдоочуларды түшүнүү менен кабыл алууга жана сак болууга чакырган.
ӨКМ Бишкек-Ош жана башка тоолуу жолдордо кар көчкү түшүү коркунучу жаралганын, мындан улам жолдордо машинелердин ортосунда 500 метрлик аралык сакталуусу тийиштигин эскертүүдө.(ZKo)
