Синоптиктер 13-15-мартта Кыргызстанда аба ырайы кескин өзгөрүп, суук жанданарын билдиришти.
13-мартта түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында, Нарын облусунун айрым жерлеринде жаан, кар, тоолуу райондорунда кар жаайт. Чүй, Ош, Жалал-Абад, Баткен облустарынын айрым жерлеринде жаан-чачын катуу болот. Күндүз көпчүлүк аймактарында жаан, кар, тоолуу райондорго кар түшөт. Жолдор тоңголок жана тайгак болуп, батыштан соккон шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн -2…+3, күндүз -1…+4;
Талас өрөөнүндө түнкүсүн -4…+1, күндүз -3…+2;
Баткен, Ош, Жалал-Абад облустарында түнкүсүн 0…5, күндүз 2…7;
Ысык-Көл облусунда түнкүсүн -1…-6, күндүз -1…+4;
Нарын облусунда түнкүсүн -4…-9, күндүз -4…+1;
Бишкек шаарында мезгил-мезгили менен жаан, кар жаайт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн 0…2°, күндүз 2…4° жылуу болот.
