Каныбек Осмоналиев президентке караштуу Мамлекеттик тил жана тил саясаты боюнча улуттук комиссиянын төрагасы кызматынан алынды. Бул маалыматты “Азаттыкка” Каныбек Осмоналиев ырастап, ага “президенттин демилгеси менен кызматтан алынганын айтышканын” билдирди.
Азырынча бул тууралуу расмий маалымат бериле элек.
Каныбек Осмоналиев бул кызматка 2022-жылдын май айында дайындалган.
Былтыр 17-июлда президент Садыр Жапаров “Мамлекеттик тил жөнүндө” конституциялык мыйзамга кол койгон. Ага ылайык мамлекеттик мекемелерде иш кагаздар милдеттүү түрдө кыргыз тилинде жүргүзүлүүгө тийиш. Эл алдындагы расмий иш-чаралар да мамлекеттик тилде өткөрүлөт.
Мамлекеттик тил комиссиясы 2021-жылы Садыр Жапаровдун буйругу менен президентке караштуу Мамлекеттик тил жана тил саясаты боюнча улуттук комиссия болуп түзүлгөн. (BTo)
