4-март күнү саат 12:22 чамасында Кыргызстандын Чүй облусунда жана Бишкек шаарында жер титиреди.
Сейсмология институтунун маалыматына караганда, силкинүүнүн күчү очогунда 6 баллга жакын көрсөткүчтү түздү.
Чолпон-Ата шаарында, Бостери, Ананьево айылдарында, Казакстандын Алматы шаарында 4,5 балл, Балыкчы шаарында 4 балл, Бишкекте, Караколдо, Кумтөр кенинде жана Кажы-Сайда 3,5 балл сезилди.
Силкинүүнүн очогу Казакстандын Алматы шаарынан 37 чакырым, Бишкектен 190 чакырым аралыкта, кыргыз-казак чек арасында Кыргызстандын аймагында болгон.
Жер титирөө Кыргызстанда, Казакстанда жана Кытайда сезилген.
Баштапкы маалыматтар боюнча Кыргызстанда жер титирөөдөн жабыркагандар жана кыйроолор катталган жок. (ZKo)
Дагы караңыз
