Сейсмология институтунун маалыматына ылайык, 1-март күнү саат 06:22де Кыргызстан менен Өзбекстандын чектешкен аймагында, очогунда күчү 3,5 баллга жеткен жер титирөө катталды. Силкинүү Ош облусунун Араван районунун Керкидан, Ноокат районунун Найман айылдарында 3 балл болду.
Баштапкы маалыматтар боюнча, жер титирөөдөн жабыркагандар жана кыйроолор катталган жок.
28-февраль күнү саат 19:15те Чүйдүн Кара-Балта шаары, Москва районунун аймагында күчү 3 баллды түзгөн жер титирөө катталган.
Быйыл январь-февраль айларында Кыргызстандын аймагында жер бир нече ирет силкинди.
23-январга караган түнү Кытайдын аймагында күчү 7-8 баллга жеткен силкинүү катталып, анын толкуну Казакстан, Кыргызстан жана Өзбекстанга чейин жеткен. Алматы шаарында 5 балл, Бишкекте 4 балл, Ташкентте үч балл болгон. (ZKo)
