Тажикстанда иске ууланып каза болгон үй-бүлө жерге берилгенин бүгүн 29-февралда «Азаттык» радиосунун тажик кызматы билдирди. Окуя борбор калаа Душанбенин Фирдавси районунда 27-февралга караган түтү болгонун, көз жумгандар ата-эне жана алардын төрт баласы экенин Өзгөчө кырдаалдар комитети тастыктады.
Кырсык тууралуу кошуналары эртеси күндүз гана билип, доктур чакыртышкан, бирок кеч болуп калганы аныкталган.
Тажикстанда азыр аба ырайы суук экени, көпчүлүк эл үйүн электр жабдыктары менен жылытары, бирок соңку күндөрү электр энергиясы менен камсыздоодо үзгүлтүк болуп жатканы кабарланды.
