Ысык-Көл облусунун Ак-Суу районуна караштуу Жыргалаң айылында Чехиянын төрт жаранын кар көчкү басып калып каза болду. Бул тууралуу “Азаттыкка” Ысык-Көл облустук ички иштер башкармалыгынын басма сөз катчысы Сталбек Усубакунов билдирди.
Анын сөзүнө караганда, кырсык 25-февралда болгон. Чехиянын 23 жараны тоого чаңгы (лыжа) тебүү үчүн чыгышкан. Алар чаңгы менен түшүп келатканда кар көчүп басып калган. 19 киши бири-бирин куткарып аман калып, төрт киши каза болгон.
Алардын сөөгү көчкү алдынан чыгарылып, Каракол шаарындагы өлүкканага жеткирилип, соттук-медициналык экспертиза дайындалды. (BTo)
Дагы караңыз
