Эки күндөн бери дайынсыз болуп жаткан үч бир тууган балдар: 15 жаштагы Раяна Марукова менен 11 жаштагы эгиздер Исабек жана Мусабек Маруков аман табылды. Бул тууралуу Бишкектин Ленин райондук ички иштер бөлүмүнүн басма сөз кызматы кабарлады.
Милиция ырастагандай, балдар Ысык-Көл облусундагы туугандарынын үйүнө кетип калышканы такталып, ошол жактан табылды.
Бишкек шаардык ички иштер башкармалыгынын басма сөз кызматы мурдараак кабарлагандай, 24-февраль күнү балдардын атасы Б. А. Ленин райондук ички иштер башкармалыгына кайрылып, үч тестиер балдары дайынсыз болуп жатканын билдирген.
Арызда балдар Бакаев көчөсүндөгү үйүнөн 24-февралда чыгып кеткен бойдон кайрылып келишпегени көрсөтүлгөн. (ErN)
Дагы караңыз
