Кыргызгидромет маалымдагандай, 19-февралда түнкүсүн Талас, Ош, Жалал-Абад, Баткен, Нарын облустарынын көпчүлүк аймактарында, Чүй, Ысык-Көл облустарынын айрым жерлеринде кар жаайт. Жолдор тоңголок тартып, тайгак болуп, кар күрткүсү түшөт. Батыштан соккон шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн -12...-17 градус, күндүз -3...-8 градус суук.
Талас облусунда түнкүсүн -13...-18, күндүз -5...-10.
Баткен, Ош, Жалал-Абад облустарында түнкүсүн -2...-7 болсо, күндүз -2 ... +3 градус.
Ысык-Көл облусунда түнкүсүн -7...-12 суук, күндүз -3 ... +2.
Чолпон-Атада мезгил-мезгили менен кар жаайт. Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн -7...-9, күндүз максималдуу температурасы -1...+1... болмокчу.
Нарын облусунун дыйканчылык аймактарында түнкүсүн -10...-15, күнү 0...-5. Ушул эле Нарындын бийик тоолуу жерлеринде түнкүсүн -15…-20, күндүз -9... -14 градус суук.
Суусамыр өрөөнүндө сууктун күчү түнкүсүн -15…-20 градус, күндүз -3…-8 болот.
Бишкек шаарында түнкүсүн жаан-чачын жааш ыктымалдыгы аз. Күндүз мезгил-мезгили менен кар жаашы күтүлөт. Батыштан соккон шамалдын ылдамдыгы секундасына 4-9 метрге жетет. Абанын түнкү температурасы -12…-14 градус, күндүз -4…-6 суук.
Мындай суук аба ырайы автоунаа, энергетика жана коммуналдык кызматтардын ишин кыйындатат.
