2023-жылы Евразия экономикалык биримдигине (ЕЭАБ) кирген бардык мамлекеттерде азык-түлүккө кирбеген товарлар кымбаттаган. Бул тууралуу Улуттук статистика комитети билдирди.
Беш өлкөнүн ичинен максималдуу өсүш Кыргызстанда катталып, ал 10,4 пайызды түздү. Азык-түлүккө кирбеген товарлар Кыргызстандан тышкары Казакстанда 8,6 пайызга, Орусияда 6,2%, Беларуста 3,1 пайызга кымбаттаган. Эң төмөнкү баалардын өсүшү Арменияда (0,6%) катталды.
Маалыматтарга караганда, биримдикке кирген беш өлкөнүн ичинен азык-түлүк Казакстанда баарынан кымбаттап, алкоголдук ичимдиктерди жана тамеки буюмдарын кошкондо баалар эң көп өлчөмдө - 8,2 пайызга жеткен. Тамак-ашка болгон баанын өсүшү андан кийин Орусияда (8,1%), Беларуста (6,9%) жана Кыргызстанда (3,3%) катталган. Армениянын Статистика кызматынын маалыматы боюнча, тескерисинче, бул мамлекетте тамак-аш 4,5 пайызга арзандаган.
Кымбаттоо тенденциясы быйыл январда да сакталууда. Евразия экономикалык биримдигине кирген мамлекеттердин баардыгында 2024-жылдын январында өткөн жылдын декабрына салыштырганда керектөө баалары жана тарифтер өстү.
Кыргызстанда баалар быйыл январда өткөн жылдын декабрына караганда 0,2 пайызга өсүп, анын ичинен азык-түлүк товарларына баа 0,4 пайызга жогорулаган. Январда декабрга караганда баалар Арменияда 2,0 пайызга, Орусия менен Беларуста 1,3 пайызга, Казакстанда 1,1 пайызга кымбаттаган.
2024-жылдын январында ЕЭАБ мүчө мамлекеттердин керектөө секторундагы товарлардын жана кызмат көрсөтүүлөрдүн инфляция деңгээли
(пайыз, өсүшү +; төмөндөшү -)
|
|
Бардык товарлар жана кызмат көрсөтүүлөр |
анын ичинде: | ||
|
азык-түлүк |
азык-түлүк эмес |
кызмат көрсөтүүлөр | ||
|
|
Мурунку айга карата | |||
|
Армения |
1,2 |
2,0 |
-0,3 |
1,0 |
|
Беларус |
0,8 |
1,3 |
0,4 |
0,4 |
|
Казакстан |
0,8 |
1,1 |
0,5 |
0,7 |
|
Кыргызстан |
0,2 |
0,4 |
0,0 |
0,0 |
|
Орусия |
0,9 |
1,3 |
0,5 |
0,8 |
|
|
2023-жылдын январына карата | |||
|
Армения |
-0,9 |
-4,5 |
0,6 |
3,4 |
|
Беларус |
5,9 |
6,9 |
3,1 |
7,5 |
|
Казакстан |
9,5 |
8,2 |
8,6 |
12,3 |
|
Кыргызстан |
5,9 |
3,3 |
10,4 |
8,4 |
|
Орусия |
7,4 |
8,1 |
6,2 |
8,1 |
Инфляция боюнча маалыматка келсек, Кыргызстанда инфляция былтыркы 2023-жылдын январына караганда 5,9 пайызды түзгөн. Инфляциянын эң жогорку деңгээли январь айында Казакстанда катталып, ал 9,5 пайыз болсо, эң төмөнкү инфляция Арменияда катталып, - 0,9 пайызга азайган. Мурунку жылдын январына карата быйыл январда Орусияда инфляциянын дегээли 7,4%, Беларуста 5,9% болгон.
ЕАЭБге мүчө мамлекеттердин керектөө секторундагы инфляциянын деңгээли
(пайыз, өсүшү +; төмөндөшү -)
|
|
Январь (2024) |
Январь (2024), |
Январдагы өсүүнүн орточо айдагы темпи | |||
|
2023 |
2024 |
2023 |
2024 |
2023 |
2024 | |
|
Армения |
1,4 |
1,2 |
8,1 |
-0,9 |
1,4 |
1,2 |
|
Беларус |
0,8 |
0,8 |
12,0 |
5,9 |
0,8 |
0,8 |
|
Казакстан |
1,1 |
0,8 |
20,7 |
9,5 |
1,1 |
0,8 |
|
Кыргызстан |
1,5 |
0,2 |
15,3 |
5,9 |
1,5 |
0,2 |
|
Орусия |
0,8 |
0,9 |
11,8 |
7,4 |
0,8 |
0,9 |
* ЕЭАБге кирген мамлекеттердин Статистика кызматтарынын маалыматы боюнча.
1 Алкоголдук ичимдиктерди жана тамекини кошкондо.
Евразия экономикалык биримдиги (ЕАЭБ) алгач 2010-жылы Беларус, Казакстан жана Орусиянын Бажы биримдиги катары түзүлгөн. 2015-жылы уюмга Кыргызстан менен Армения кошулган.
