Коомдук ишмер Райкан Алкановдун сөөгү 9-февралда өзү туулуп-өскөн Талас районунун Арал айылында жерге берилди. Бул тууралуу облустук акимчиликтен билдиришти.
Райкан Алканов 6-февралда 91 жашында Германияда дарыланып жаткан учурунда көз жумган.
Ал 1997-жылы Бишкектеги Алканов базарын негиздеген. 2010-жылы “Бүтүн Кыргызстан” партиясы менен парламенттик шайлоого катышкан.
Алканов бокс боюнча спорттун чебери жана Кыргызстандын бокс жана каратэ федерацияларынын ардактуу президенти. Андан сырткары “Көк-Бөрү” федерациясын жетектеген. Улуттук олимпиада комитетинин мүчөсү болгон.
“Даңк” медалынын жана башка эл аралык сыйлыктарды алган. Соңку жылдары меценат катары таанылып, өлкөдөгү спорттук маданий иш-чараларга демөөрчүлүк кылып келген. (MKt)
Дагы караңыз
