Ош облусунун Алай районунда бир айдан бери дайынсыз болуп жаткан 39 жаштагы кишинин сөөгү табылды. Бул тууралуу 17-январда Өзгөчө кырдаалдар министрлигинин (ӨКМ) басма сөз кызматы кабарлады.
Мекеменин маалыматына ылайык, 2023-жылдын 19-декабрында Жаңы-Алай айылынын тургуну үйүнөн чыгып кеткен бойдон дайынсыз болуп жатканы, ал айылды аралап өткөн каналга түшүп кетиши мүмкүн экени тууралуу 21-декабрда маалымат түшкөн.
17-январда Өзгөчө кырдаалдар министрлигинин төрт куткаруучусу, Ички иштер министрлигинин эки кызматкери жана жергиликтүү 15 тургун издөө иштеринде дайынсыз болгон адамдын сөөгүн табышкан. (BTo)
Дагы караңыз
