Түндүк Кореянын тышкы иштер министри Чхве Сон Хи иш сапар менен Орусияга барганын Пхеньяндын мамлекеттик маалымат агенттиги 15-январда билдирди.
Орусиянын тышкы иштер министри Сергей Лавров жана башка жетекчилер менен жолугушуулар пландалган.
Эки өлкө ортосунда соңку кезде экономикалык, саясий жана аскердик кызматташтык активдешүүдө.
Серепчилер белгилегендей, Кремль Украинага кол салып, эл аралык изоляцияда кала баштагандан бери Түндүк Кореяга ыктап, байланышын бекемдөөгө аракет кылууда.
Дүйнөнүн элүү чакты өлкөсү 9-январда Орусия Украинага Түндүк Кореядан алган баллистикалык ракеталар менен чабуул койгонун айыптап чыгышкан. Бул үчүн орус бийлигин жоопко тартуу талап кылынарын билдиришкен. (RK)
