Бишкек-Ош автоунаа жолунун 127,5 чакырымына кар көчкү түшүп, “Сосновка” постунан транспорттордун бардык түрүнүн каттоосуна убактылуу чектөө киргизилди. Бул тууралуу Транспорт жана коммуникациялар министрлигинин маалымат кызматы кабарлады.
Көчкү болжол менен 15-январда түшкү саат 13:50 чамасында түшкөн. Анда кардын көлөмү болжол менен 4000 м3 түзөт.
Учурда Транспорт жана коммуникация министрлигине караштуу №9 Жол тейлөө ишканасынын кызматкерлери жолду кардан тазалап жатышат. Кошумча маалымат берилет.
Мунун алдында Өзгөчө кырдаалдар министрлиги 15-январда күтүлүп жаткан жаан-чачынга байланыштуу Кыргызстандын тоолуу райондорундагы жолдордо кар көчкү түшүүсү ыктымалдыгын эскерткен. Мекеме айдоочуларга унаалардын ортосундагы 500 метр аралыкты сактоону эскертүүдө. (ErN)
