Кыргызстанда 2023-жылдын ноябрь-декабрь айларында Бишкек шаары, Ош жана Чүй облустарында 626 жеке менчик клиника текшерилип, 251 ишкерге 1 млн 500 миң сом айып пул салынды.
Бул тууралуу Саламаттык сактоо министрлигинин медициналык жана фармацевтикалык ишмердүүлүктү лицензиялоо бөлүмүнүн башкы адиси Аман Осмонов 15-январда Жогорку Кеңештин Социалдык саясат боюнча комитетинин жыйынында айтты. Анын сөзүнө караганда, текшерилген 626 менчик клиниканын 216сында медициналык ишмердүүлүк жүргүзүүгө лицензиясы жок болуп чыккан.
Саламаттык сактоо министрлигинин өткөн жылдын ноябрь айындагы маалыматы боюнча, өлкөдө лицензиясыз эле медициналык кызмат көрсөткөндөрдүн саны үч миңге чамалайт.
Мындай клиникаларга кайрылып, майып болуп же өлүмгө кабылган окуялар катталган. (BTo)
